Great Wall ўзининг Соуо С2000 мотоциклини янгилади
Great Wall компанияси дунёдаги биринчи горизонтал-оппозит двигателли Соуо С2000 мотоцикли учун дастурий таъминот янгиланишини тақдим этди. Янги прошивка 12 дюймли рақамли дисплей учун иккита қўшимча ранг схемасини ва кутилмаган функция — караоке тизимини ўз ичига олади. Ушбу имконият аввалроқ Great Wall автомобилларининг медиа тизимларида пайдо бўлган эди. Бу ҳақда Ixbt.com хабар беради.
Соуо С2000 ўзининг 2,0 литрли горизонтал-оппозит двигатели билан ажралиб туради. Агрегат 153 от кучини ишлаб чиқаради ва 8 поғонали роботлаштирилган ДКТ узатмалар қутиси билан ҳамкорликда ишлайди. Мотоцикл 100 км/соат тезликка 3,9 сонияда эришади, унинг максимал тезлиги эса 200 км/соатни ташкил этади.
Техник жиҳозланиш Qualcomm Snapdragon 8155 платформасига асосланган медиа тизим, ўриндиқлар ва тутқичларни иситиш функцияси ҳамда круиз-назорат тизимини ўз ичига олади. Мотоциклнинг оғирлиги 427 кг, ғилдираклар базаси эса 1810 мм га тенг.
Хитой бозорида ушбу модел 190 мингдан 219 минг юангача бўлган нархларда таклиф этилмоқда. Яқин келажакда Great Wall компанияси Соуо С2000 моделини Россия бозорига ҳам расман олиб киришни режалаштирмоқда.
