BMW M3 Ҳандсчалтер: механик узатмалар қутиси билан хайрлашув

BMW компанияси ўзининг олтинчи авлод (Г80) М3 моделини махсус Ҳандсчалтер версияси билан кузатиб қўймоқда. АҚШ бозори учун мўлжалланган ушбу модел механик узатмалар қутиси билан жиҳозланган сўнгги спорт автомобилларидан бири ҳисобланади. Бу ҳақда Autocar.co.uk хабар беради.

Автомобил М3 КС негизида яратилган бўлиб, стандарт М3'дан 20 кг енгилроқ. У янада қаттиқроқ амортизаторлар, пружиналар ва пойга учун мослаштирилган шасси билан жиҳозланган. Олдинги М3 КСдан фарқли ўлароқ, янги Ҳандсчалтер орқа ғилдиракли узатма тизимига эга.

Двигател қуввати механик узатмалар қутиси ишончлилигини таъминлаш мақсадида 473 от кучигача чекланган. Шунга қарамай, автомобил 0 дан 100 км/соат тезликка 4,1 сонияда эришади ва максимал 290 км/соат тезликка чиқа олади.

Ташқи кўринишда сариқ рангли кундузги чироқлар ва махсус ранглар палитраси ажралиб туради. Салон қисмида эса углерод толали ўриндиқлар ўрнатилган. АҚШ бозорида ушбу моделнинг нархи 103 750 доллардан бошланади.

Келгуси йилда BMW M3'нинг янги авлоди тақдим этилиши кутилмоқда. У тарихда илк бор тўлиқ электр двигатели билан ҳам ишлаб чиқарилиши режалаштирилган.