Украинада урушнинг 134-куни: Харкив ва Краматорскда аҳоли орасида янги қурбонлар (фото)

Украинада урушнинг 134-куни ўтди. 7 июл куни россиялик ҳарбийлар украин шаҳарларидаги аҳоли турар жой мавзеларини яна ўққа тутди. Словянск ва Краматорскда кўплаб бинолар шикастланган, қурбонлар ва яраланганлар бор. Россияда прокуратура москвалик депутат, урушни уруш деб атаган Алексей Горинов учун етти йиллик қамоқ жазоси сўради. Украин ҳарбийлари Илон оролига давлат байроғини қайтаришди, РФ мудофаа вазирлиги эса оролга ракета зарбаси йўлланиб, бу ерга келган украин ҳарбийларининг бир қисми йўқ қилингани, қолганлар қочиб кетганини маълум қилди. Россия мудофаа вазирлиги жангларда танаффус бошлангани, «ҳарбий имкониятларни тўлдириш» жараёни кетаётганини эълон қилди.

Қуйида 7 июл куни Украинанинг турли ҳудудларида олинган суратлар.

Донбасс шимоли

<sup>Украин ҳарбийлари Донбассдаги фронт чизиғида «Ураган» ракета тизимидан ўт очмоқда
Gleb Garanich / Reuters / Scanpix / LETA

Gleb Garanich / Reuters / Scanpix / LETA</sup>
Краматорсклик ярадор киши вайрон бўлган квартираси полида ётибди. Унинг уйи Россия томонидан учирилган ракеталардан шикастланган. Америкадаги Урушларни тадқиқ этиш институти (ISW)га кўра, Россия армияси қўшинларни қайта тўплаш ва Словянск ёки Краматорскка ҳужум қилиш учун «оператив танаффус» олган.

<sup>Украина қуролли кучлари ҳарбийлари Россиянинг Краматорскка ракета ҳужумидан кейин ҳосил бўлган ўрани текширмоқда. Ушбу ҳужум оқибатида бир киши ҳалок бўлди, яна олти киши яраланди. Фото: Nariman El-Mofty / AP / Scanpix / LETA

Краматорскдаги кварталларда россияликлар ҳужумидан кейинги вазият
Nariman El-Mofty / AP / Scanpix / LETA

Донецк области ҳудудидаги қишлоқда отишмалардан кейин бошланган ёнғин
Alexander Ermochenko / Reuters / Scanpix / LETA

«ЛХР»да асир олинган украиналик аскар, Старобелский райони.
Станислав Красильников / ТАСС

«ЛХР»нинг Старобелский районнида номаълум украиналик аскарларнинг дафн этилиши.
Станислав Красильников / ТАСС

Асир тушган украин аскарлари «ЛХР»нинг Старобельский районида ўз сафдошларининг жасадларини дафн этишмоқда
Станислав Красильников / ТАСС

Ўт ўчирувчилар Донецк области Краматорск шаҳрига берилган зарбадан кейин автомобилдаги ёнғинни ўчирмоқда
AP Photo/Nariman El-Mofty</sup>
Илон ороли

^{Фото: «Зґард» бўлинмаси}
Украин нашрлари 7 июл куни эрта тонгда Украина қуролли кучлари ҳарбий хизматчилари мамлакат байроғини Илон оролига ўрнатгани акс этган суратларни тарқатди. Байроқда Украина мудофаа вазирлиги бош разведка бошқармаси ҳамда Одесса области ҳарбий маъмурияти раҳбарининг имзоларидан ташқари шундай битик ҳам бор: ««Рус ҳарбий корабли, ёдда тут, Змейиний ороли — бу Украина». Бунга жавобан Россия мудофаа вазирлиги Россия ҳарбий-космик кучлари «юқори аниқликдаги ракета зарбаси билан украин ҳарбийларининг байроқни Змейиний оролига етказишга уриниш барбод қилингани» ҳақида маълум қилди. Бир ҳафта олдин россияликлар гарнизони оролдан «яхши ниятда» олиб кетилганди.

^{Ukrainian Defence Ministry Press Office via AP}
Харкив

<sup>Харкив аҳолиси вакили Россия ракета зарбасидан шикастланган кўп қаватли уйдаги ўз квартираси балконидан қарамоқда. Россия қўшини Харкивдаги тинч аҳоли вакиллари яшайдиган кварталларга ҳужум қилишда давом этмоқда, 7 июл куни уч киши ҳалок бўлиб, беш киши яраланган.
Evgeniy Maloletka / AP / Scanpix / LETA

Харкивлик киши россиялик ҳарбийлар зарбаси оқибатида ҳалок бўлган рафиқаси билан видолашмоқда
Evgeniy Maloletka / AP / Scanpix / LETA

Фельдшерлар ракета зарбаси оқибатида ҳалок бўлган харкивлик аёл жасадини олиб кетишмоқда
Evgeniy Maloletka / AP / Scanpix / LETA

Харкивлик киши шаҳар ўққа тутилиши оқибатида ҳалок бўлган аёл жасади ёнида
Evgeniy Maloletka / AP / Scanpix / LETA

Харкивдаги турар жой мавзесида Россия ҳарбийлари зарбасидан кейин снаряд парчаларини текшираётган украин полициячилари
AP Photo/Evgeniy Maloletka</sup>