Испанияда буқалар билан ўтказилган пойгаларда 22 киши жароҳат олди (фото, видео)

^{Фото: EPA}
Испаниянинг кўча бўйлаб буқалар билан пойга ўтказиладиган Сан-Фермин фестивалида уч кун ичида камида 22 киши жароҳат олди. Бу ҳақда маҳаллий ОАВга таяниб, «Korrespondent.net» хабар берди.

Пойгаларнинг биринчи кунида 6 киши, иккинчи куни 8 киши жароҳат олди, уларнинг аксариятида жароҳатлар енгил.

Байрамнинг учинчи куни жами 8 киши жароҳат олди, улардан уч нафарини буқалар шохлари билан сузиб юборган.

«2022 йилнинг учинчи ва энг оммавий энсиэрро пойгаси биринчи марта дам олиш кунига тўғри келди, шу сабабли у олдинги икки кунга қараганда кўпроқ югурувчиларни қамраб олди, тез суръатда ўтди ва уч кишининг буқа сузиб олишидан олган жароҳатлари билан якунланди», — дейилади хабарда.