Россияда 19 нафар Ўзбекистон фуқаросининг паспорти олиб қўйилиб, мажбуран ишлатилгани аниқланди

^{Фото: Telegram}
Россиянинг Тюмен вилоятида Ўзбекистон фуқароларининг паспортлари олиб қўйилиб, мажбуран ишлатилгани аниқланди. Бу ҳақда Ташқи меҳнат миграцияси агентлиги хабар берди.

Аниқланишича, Ханти-Мансийск автоном округи Няган шаҳрида 19 нафар Ўзбекистон фуқаросининг паспортлари иш берувчи томонидан олиб қўйилган. Шунингдек, ўрмон хўжалигида мажбуран ишлатилган ва ҳуқуқлари бузилган.

Уларнинг мурожаати Ташқи меҳнат миграцияси агентлигининг Ханти-Мансийск автоном округидаги вакили томонидан ўрганилди ва Россиянинг мутасадди ташкилотлари билан тезкор ҳаракатлар натижасида ҳужжатлари олиб берилиб, ҳуқуқлари тикланди.