Россия армиясининг ғарбий ҳарбий округига Киевда ўқиган янги қўмондон тайинланди

^{Александр Журавлёв ва Роман Бердников (суратда ўнгда)}
Россия армиясининг ғарбий ҳарбий округи қўмондони, генерал-полковник Александр Журавлёв эгаллаб турган лавозимидан озод қилинди.

Ғарбий ҳарбий округга генерал-лейтенант Роман Бердников янги қўмондон этиб тайинланди. Бердников ўз вақтида Россиянинг Суриядаги қўшинини бошқарган.

ОАВ Журавлёвнинг ишдан олинишига унинг фронтдаги муваффақиятсизлиги сабаб бўлганини тахмин қиляпти. Унинг қўл остидаги рус қўшини Украинанинг Харков вилоятидаги жангларда қатнашган.

Роман Бердников — олтойлик. 1991 йили Киевдаги Суворов ҳарбий билим юртини, 1995 йили Москва олий умумқўшин қўмондонлиги билим юртини тамомлаган. Мотоўқчилар қўшинларида турли лавозимларда фаолият олиб борган.