Украинада урушнинг 342-куни: Соледардаги вагнерчилар ва Лвивда дафн этилган америкалик (фото)

Украинада урушнинг 342-куни ўтди. Асосий маълумотлар:

• Владимир Путин чегара ҳудудларида террорчилик хавфи даражасини жорий этиш муддатларига қўйилган чекловларни бекор қилди – бу тўлиқ ҳарбий ҳолат деганидир. РФ президенти фармонига кўра, хавфлиликнинг «сариқ» даражаси жорий этилган регионларда эндиликда автомобилларда портловчи қурилмалар ва қуроллар бор-йўқлиги текширилади.
  
• РФ мудофаа вазирлиги Донецк областининг Блаҳодатное посёлкаси эгалланганини маълум қилди. Бу ҳудуд устидан назорат ўрнатилгани ҳақида аввалроқ «Вагнер» раҳбари Евгений Пригожин ҳам хабар берганди. Украина бу маълумотларга муносабат билдирмаган.
  
• Россияда «қисман сафарбарлик» вақтида тўққиз мингдан ортиқ киши ноқонуний сафарбар қилингани маълум бўлди. Прокуратура уларни уйига қайтаради.
  
• Владимир областидан сафарбар қилинган шахс ҳарбий қисмни ташлаб кетгани учун қамоқ жазосига ҳукм қилинди. У ўз ҳаракатини «уйини соғингани» билан изоҳлаган.
  
• Москва судида собиқ депутат, Россия армияси ҳақидаги «фейклар» иши бўйича айбланган Александр Невзоров учун 9 йил қамоқ жазоси (сиртдан) сўралди. Невзоров анчадан буён Россияда эмас, ўтган йили у Украина фуқаролигини олганди.

«Вагнер» хусусий ҳарбий компанияси ёлланма жангчилари Соледарда

«Вагнер» ХҲК раҳбари Евгений Пригожин Соледар «тўлиғича унинг ёлланма жангчилари назоратига ўтгани» ҳақида 11 январдаёқ эълон қилганди. Икки кун ўтиб РФ мудофаа вазирлиги шаҳар «Россия қўшинларининг турли гуруҳлари» томонидан эгаллангани ҳақида хабар берди, 16 январ куни эса — «ДХР» расмийлари бу маълумотни тасдиқлади. Украина ўз ҳарбийлари Соледардан чекинганини фақат 25 январга келиб тан олди.

Соледар Россия армиясининг сўнгги ойлардаги асосий ҳарбий мақсадларидан бири бўлиб қолаётган Бахмут шаҳридан 10-15 километр масофада жойлашган. Айрим экспертлар фикрича, Соледарнинг олиниши РФ қўшинларининг Бахмут йўналишида муваффақиятга эришиш имкониятларини оширади.

<sup>«Вагнер» ХҲК жангчиси Соледардаги жанглар вақтида вайронгарчиликлар кузатилган кўчалардан бирида
Иван Ноябрев / ТАСС

Соледардаги ибодатхонада турган вагнерчилар
Иван Ноябрев / ТАСС

Преображенский ибодатхонаси ёнидаги кўча бўйлаб кетаётган «Вагнер» ХҲК жангчилари
Иван Ноябрев / ТАСС</sup>
Ярим йиллик қамалдан кейинги Бахмут

Америкадаги Урушларни ўрганиш институти (ISW) маълумотларига кўра, Россия Бахмут атрофидаги позицияларга бу шаҳарни 2022 йил июлидан буён штурм қилаётган «Вагнер» ёлланма жангчилари ўрнига Россия мунтазам армияси бўлинмаларини жойлаштирмоқда. ISW таҳлилчиларига кўра, бу шаҳарга юриш қилишнинг кульминациясини ортга суради, шу билан бирга, Украина қўмондонлиги жиддий йўқотишларга учрамаслик учун чекинишга қарор қилиши ҳам мумкин.

Бахмут мудофаасидаги украин ҳарбийлари «Настоящего времени» мухбирига Россия қўшинлари ушбу шаҳардаги Украина ҳарбийлари таъминотида фойдаланиладиган иккита асосий трассани ўққа тутиш учун етарли масофада яқинлашган — булар Словянск ва Константиновкадан келувчи йўллардир. Украина қуролли кучлари жангчилари кўча жангларига тайёргарлик кўрмоқда.

Бундан ташқари, Бахмут шаҳри ҳарбий маъмурияти раҳбари Олексий Реванинг хабар қилишича, қамалдаги Бахмутда 6,5 минг атрофида тинч аҳоли вакиллари қолмоқда (урушга қадар бу шаҳарда 70 мингдан ортиқ киши яшаган). Қолган аҳоли зудлик билан эвакуация бўлишга чақирилмоқда.

<sup>Marek M. Berezowski / Anadolu Agency / ABACAPRESS / ddp images / Vida Press

Marek M. Berezowski / Anadolu Agency / ABACAPRESS / ddp images / Vida Press

Олдинги чизиқдан шаҳарга қайтиб келаётган украин ҳарбийлари
Marek M. Berezowski / Anadolu Agency / ABACAPRESS / ddp images / Vida Press

Marek M. Berezowski / Anadolu Agency / ABACAPRESS / ddp images / Vida Press</sup>
Бахмутдан эвакуация

<sup>Бахмутлик полициячи маҳаллий аҳоли вакили Ольга ва унинг олти ёшли набираси Аринани шаҳардан кетишга ундамоқда
Oleksandr Ratushniak / Reuters / Scanpix / LETA

Полициячилар болалар зирҳли нимчасини таққан Аринани Бахмутдан олиб кетишмоқда
Oleksandr Ratushniak / Reuters / Scanpix / LETA</sup>
Украина армиясининг Бахмут яқинидаги фронторти позицияси

<sup>Украиналик ҳарбийлар олдинги чизиқдаги позиция таъминоти учун ўтин тайёрлашмоқда
Yasuyoshi Chiba / AFP / Scanpix / LETA

Украиналик жангчи баракдаги (ёғочдан қурилган вақтинчалик уй) печкага ўт қаламоқда
Yasuyoshi Chiba / AFP / Scanpix / LETA

Yasuyoshi Chiba / AFP / Scanpix / LETA

Yasuyoshi Chiba / AFP / Scanpix / LETA</sup>
Херсон областининг озод этилган қишлоқлари

<sup>Станислав қишлоғида яшовчи киши ўтин тайёрламоқда. Станислав Херсондан тахминан 40 километр масофада, Днипро кўрфази бўйида жойлашган. Украина қўшини қишлоқни 2022 йил 10 ноябр куни — Херсон озод этилишидан бир кун олдин ўз назоратига қайтарганди.
Genya Savilov / AFP / Scanpix / LETA

78 ёшли украиналик Анна кўнгиллилар берган озиқ-овқатни болалар коляскасига солиб олиб кетмоқда. Бу сурат Херсон областининг айнан қайси қишлоғида олингани маълум эмас
Nacho Doce / Reuters / Scanpix / LETA

Кўнгилли Николай Херсон областининг Украина назоратига қайтган қишлоқларидан бирида аҳолига озиқ-овқат тарқатмоқда
Nacho Doce / Reuters / Scanpix / LETA</sup>
Володимир Зеленский Миколайивдаги ҳоспиталда

^{30 январ куни Володимир Зеленский Миколайивга ташриф буюриб, регион раҳбарияти билан йиғилиш ўтказди. У шунингдек Дания бош вазири Метте Фредериксен билан бирга шаҳардаги ҳоспиталлардан бирига ярадор жангчиларни кўриш учун келди. Миколайив областининг вайрон бўлган шаҳар ва қишлоқларини тиклашда айнан Дания ҳукумати ёрдам беради.
Украина президенти матбуот хизмати / AP / Scanpix / LETA}
Киевда токдан узилган ҳайвонот боғи

<sup>Киевдаги ҳайвонот боғи ходими Тони лақабли 48 ёшли гориллани иситиш учун печкага ўт ёқмоқда. Украина пойтахтида ҳамон электр ва иссиқлик таъминотидан режали ўчиришлар давом этмоқда, бу жараён 2022 йил октябрида, россияликлар Украина энергия тизимини ёппасига ўққа тутишга киришиши ортидан бошланганди.
Gleb Garanich / Reuters / Scanpix / LETA

Ҳайвонот боғи ходимлари вольерларни иситиш учун келтирилган генераторларни туширишмоқда, уларни Берлин ҳайвонот боғи тақдим этган
Gleb Garanich / Reuters / Scanpix / LETA</sup>
Фронтда ҳалок бўлган америкалик кўнгиллининг дафн маросими

^{АҚШ фуқароси Дэниел Свифтнинг Лвивдаги католик ибодатхонада ўтказилган тантанали дафн маросими. Свифт ўтган ҳафтада, Украина армияси хорижий легиони сафида жанг қилиш чоғида ҳалок бўлган. Расмий маълумотларга кўра, легионда 55 мамлакат фуқаролари жанг қилмоқда. Украина қуролли кучлари хавфсизлик нуқтайи назаридан кўнгиллиларнинг аниқ сонини келтирмаган.
Mateusz Nowak / AP / Scanpix / LETA}