7 октябрдаги ҲАМАС ҳужуми режасини ишлаб чиққан ҳаракат қўмондони йўқ қилинди

^{Архив фото: VОА Nеws}
Исроил мудофаа кучлари 7 октябрдаги ҲАМАС ҳужуми режасини ишлаб чиққан ҳаракат раҳбари Аммар Аттия Дарвиш ал-Удей ҳарбий операция пайтида ўлдирилганини маълум қилган. Бу ҳақда Исроил ва араб нашрлари хабарларига таяниб, Al Jazeera нашри батафсил маълумот берди.

“У 7 октябрдаги қирғинга тайёргарлик кўришда марказий рол ўйнаган, шунингдек, 2008 йилдан бери ҲАМАСнинг ракета арсеналини Ғазода жойлаштириш ва Исроилга қарши ракета ҳужумлари содир этиш учун масъул бўлган”, — дейилган Исроил Мудофаа кучлари баёнотида.

ҲАМАС ҳаракати қўмондон ал-Удейнинг ўлими ҳақида ҳеч қандай маълумот бермаган. Қатор араб нашрлари Исроил баёноти учун асос ва исбот сўраган.