Трампнинг самолёти носозлик туфайли Монтанага фавқулодда қўндирилди

^{Фото: Google Images}
АҚШ президентлигига номзод Дональд Трампнинг самолётида техник носозлик борлиги аниқланди, шу сабабли самолёт Монтана штатидаги аэропортга жўнатилди. Бу ҳақда NBC телеканали маълум қилди.

Хабарда аниқлик киритилишича, Трамп сайловчилар билан учрашиши режалаштирилган Бозмен шаҳрига шахсий самолётда “саёҳатини давом эттирган”.

CBS News Трампнинг самолёти Бозмендан 240 километр узоқликда жойлашган Биллингс шаҳрига қўнганини таъкидлади. Манбанинг телевидение мухбирларига айтишича, самолётнинг носозлиги хавфсизлик муаммолари билан боғлиқ эмас.

Кеча, 9 август куни АҚШ президентлигига Республикачилар партиясидан номзод Дональд Трамп ва Демократик партиядан Камала Ҳаррис 10 сентябрь куни дебат ўтказишга келишиб олгани хабар берилганди.