Чимкентлик эркак гаров учун 26 та ручка ютиб юборди

Қозоғистоннинг Чимкент шаҳрида 38 ёшли эркак дўсти билан гаров ўйини чоғида 26 та ручкани ютиб юборди. Бу ҳақда Mash Telegram-канали хабар берди.

Маълумотларга кўра, у гаровни ютиш мақсадида ручкаларни бирин-кетин юта бошлаган. Орадан кўп ўтмай, эркак қорнида қаттиқ оғриқ сезиб, шифокорларга мурожаат қилган.

Тиббиёт ходимлари икки соат давом этган жарроҳлик амалиётини эндоскоп ёрдамида, яъни тана кесилмасдан амалга оширишган.

Натижада, бемор танасидан барча 26 та ручка муваффақиятли чиқариб олинган. Шифокорлар унинг ҳолати барқарор эканини маълум қилишган.