Машина парковкадан чиқиш учун антиқа ҳаракатни амалга оширди (видео)

Бразилиянинг Санта-Катарина штатида гувоҳлар йўл четида турган автомобилнинг антиқа ҳаракатларини видеога олишди. Икки томонидан “сиқувга олинган” машина йўлнинг қатнов қисмига чиқиб олиш учун орқа ғилдиракларини кўтариб, ён томонга сурилган.

Роликка қолдирилган изоҳда у Бомбиньяс муниципалитетида 10 февралда тасвирга олингани айтилган.

Фойдаланувчилар машина унга бундай вазиятлардан чиқишга имкон берувчи махсус механизм билан жиҳозланган, деган фикрга келишган.