Балиқни тутиб олган акулани ушлаган йиртқич қуш (фото)

Флорида штатида истиқомат қилувчи фотосуратчи Док Жон соҳилбўйи бўйлаб сайр қилаётган пайтида тирноқларига кичик акулани ушлаб олган йирик скопа (балиқхўр парранда)ни тасвирга туширди. У олинган суратларни компьютерда катталаштирганида эса, акула ушлаб олинган балиқни тутиб турганини пайқаб қолди.

«Мен қачонлардир суратга олган энг яхши сурат (сифат эмас, маъно жиҳатидан)!» - дея маълум қилди фотосуратчи Фейсбукдаги саҳифасида. Баъзи фойдаланувчилар суратлар ҳақиқий эканига шубҳа билан қарашган, бироқ Жон «триллионтага бир» фото олганини иддао этишда давом этди.