Туркманистон президенти боулингдаги маҳоратини ҳам намойиш этди (фото, видео)

^{Фото: «Олтин аср»}
Туркманистон президенти Гурбангули Бердимуҳамедов Спорт ва туризм миллий институти яқинида қурилаётган янги бинолар билан танишди. Бу ҳақда «Хроника Туркменистана» хабар бермоқда.

Бош планга кўра, бу ерда институт факультети, 450 ўринли ётоқхона, спорткомплекс, дам олиш зонаси, велотрек ва бассейн қурилади. Шунингдек, спорт ва ёшлар сиёсати вазирлиги биноси қурилади.

^{Фото: «Олтин аср»}
Бердимуҳамедов мамлакатда бунинг учун барча шароитлар яратилган бўлса ҳам туркманистонлик спортчилар томонидан халқаро мусобақаларда эришилаётган натижалар талабларга жавоб бермаётганини танқид қилди.

^{Фото: «Олтин аср»}
Шундан сўнг у ҳамроҳлари билан Олимпия шаҳарчасига йўл олди. Бу ерда боулинг ўйнаб, тренажёрларда шуғулланди.
[media=https://www.youtube.com/embed/ff8phjL3Jjw?start=0]