Астронавт уч ойда беш сантиметрга ўсди

^{Фото: NASA/Энн Макклейн}
2018 йилнинг 3 декабридан бошлаб орбитада бўлган 39-ёшли NASA астронавти Энн Макклейн шу вақт мобайнида сезиларли даражада ўсди, деб ёзади «Дарё».

«Мен орбитага кўтарилган пайтимдан бери икки дюйм (беш сантиметрдан сал кўпроқ)га ўсдим», — деб ёзган америкалик аёл скафандрни кийиб кўрганидан сўнг ўзининг Twitter’даги саҳифасида.

Хабарда айтилишича, Япониянинг JAXA аэрокосмик тадқиқот агентлиги гравитациянинг йўқлиги сабабли одамлар бўйи одатда тахминан 1—2 сантиметрга ўсишини айтган.