Нега чақалоқлар кўп хиқичоқ тутади? Сабаблари ва хавотирли ҳолатлар

Ҳар бир ота-она чақалоғини хиқичоқ тутганини кўрганида бироз хавотирга тушади. Аслида эса бу кўп ҳолларда табиий ҳолат ҳисобланади.

Педиатрлар таъкидлашича, хиқичоқ — бу диафрагма (нафас олишга ёрдам берувчи мушак)нинг тез-тез қисқариши натижасида юзага келади.

Чақалоқларда хиқичоқнинг асосий сабаблари:

- Она сути ёки қўшимча овқатни тез ичиши, ҳаво ютиши;

- Совуқда қолиб кетиши ёки танаси тез совиши;

- Асаб тизимининг ҳали тўлиқ шаклланмагани;

- Кўпроқ ҳиссий ҳолатлар (кўп кулиш, йиғлаш) ҳам сабаб бўлиши мумкин.

- Одатда хиқичоқ 10–15 дақиқа ичида ўтиб кетади ва болага жиддий зиён етказмайди.

Қачон шифокорга мурожаат қилиш керак?

- Хиқичоқ жуда узоқ давом этса (бир соатдан ортиқ);

- Ҳар овқатлангандан кейин такрорланса;

- Болада нафас олиш қийинлашса ёки кўкариш кузатилса.

Мутахассислар айтади: кўпчилик ҳолларда чақалоқнинг хиқичоғи хавфли эмас. Лекин ортиқча безовта қилса, шифокор маслаҳати энг тўғри йўл ҳисобланади.