Galaxy Дигитал Нью-Йоркда крипто хизматларини кенгайтириш учун лицензия олди
Майк Новогратз бошчилигидаги Galaxy Дигитал компанияси Нью-Йорк штати Молия хизматлари департаментидан (НЙДФС) БитЛисенсе ва пул ўтказмалари лицензиясини қўлга киритди. Ушбу рухсатнома компанияга штатдаги институционал мижозлар учун тартибга солинадиган рақамли активлар хизматларини тақдим этиш имконини беради. Бу ҳақда Cointelegraph.com хабар беради.
Лицензия GalaxyОне Приме НЙ шоъба корхонасига берилди. Мазкур бўлинма институционал инвесторлар учун савдо ва молиялаштириш хизматларини кўрсатади. Нью-Йорк АҚШдаги энг қатъий тартибга солинадиган юрисдикциялардан бири ҳисобланади, шунинг учун ушбу рухсатнома компания учун муҳим стратегик қадамдир.
БитЛисенсе 2015-йилда жорий этилган бўлиб, крипто компаниялар учун энг қийин олинадиган рухсатномалардан бири саналади. У пул ювишга қарши курашиш, киберхавфсизлик ва капитал заҳиралари бўйича юқори талабларни ўз ичига олади. Новогратзнинг таъкидлашича, Нью-Йорк институционал капиталнинг энг йирик маркази бўлиб, бу янгилик бозорга киришни осонлаштиради.
Galaxy Дигитал жорий йилнинг биринчи чорагида 216 миллион доллар соф зарар кўрганига қарамай, компания ўз фаолиятини диверсификация қилмоқда. Ҳозирда фирма нафақат крипто савдоси, балки Техасдаги Ҳелиос маълумотлар маркази орқали сунъий интеллект ва юқори унумли ҳисоблаш инфратузилмаси йўналишида ҳам ривожланишни режалаштирмоқда.
