Трумп финтеч компанияларининг Фед тизимларига киришини кўриб чиқишни буюрди
АҚШ Президенти Доналд Трумп молия технологиялари (финтеч) соҳасидаги инновацияларга тўсқинлик қилаётган тўсиқларни ва банк ҳамкорлиги ҳамда тўлов тизимларидан фойдаланишдаги муаммоларни қайта кўриб чиқиш тўғрисидаги фармонни имзолади. Мазкур ҳужжат Федерал Ресерве Боард зиммасига финтеч ва крипто компанияларининг Фед тўлов тизимларига киришини тартибга солувчи ҳуқуқий ва меъёрий базани баҳолаш вазифасини юклайди. Бу ҳақда Cointelegraph.com хабар беради.
Фармонга кўра, Федерал Ресерве бошқарувчилари 120 кун ичида финтеч ва крипто фирмаларига тўғридан-тўғри кириш ҳуқуқини беришнинг ҳуқуқий асосларини ўрганиб, ҳисобот тақдим этишлари лозим. Бу чора пул маблағларининг самарали ҳаракатланишини таъминлаш ва воситачи банкларга бўлган боғлиқликни камайтиришга қаратилган асосий банк инфратузилмасидан фойдаланиш имкониятини кенгайтиришни кўзда тутади.
Сўнгги йилларда финтеч ва крипто компаниялари банк хизматларидан фойдаланишда жиддий қийинчиликларга, жумладан, "Оператион Чокепоинт 2.0" деб номланган кампания доирасида банк тизимидан узиб қўйилиш ҳолатларига дуч келишган. Доналд Трумп маъмурияти ушбу сиёсатни ўзгартириш ва инновацияларни қўллаб-қувватлаш учун меъёрий ҳужжатларни соддалаштириш ниятида эканини билдирди.
Кейинги 90 кун давомида АҚШ федерал молиявий регуляторлари раҳбарлари финтеч фирмаларининг кредит уюшмалари, брокер-дилерлар ва инвестиция маслаҳатчилари билан ҳамкорлик қилишига тўсқинлик қилаётган қоидаларни кўриб чиқадилар. Шунингдек, банк уставлари ва федерал лицензиялар учун аризаларни топшириш жараёнини оптималлаштириш бўйича таклифлар тайёрланади.
Доналд Трумп фармонда АҚШ молия технологиялари соҳасида жаҳон етакчиси эканини ва бу мавқени сақлаб қолиш учун тартибга солиш амалиётини янгилаш зарурлигини таъкидлади. Като Институте тадқиқотларига кўра, кўплаб дебанкинг ҳолатлари банкларнинг ўз сиёсати эмас, балки ҳукумат босими натижасида юзага келган.
