Ethereum ғазна компаниялари ЭТФ босими остида стакингга ўтмоқда
Эверстаке ҳисоботига кўра, Ethereum ғазнасига эга компаниялар стакинг ва бошқа даромад стратегияларидан фойдаланишга мажбур бўлмоқда. Spot крипто ЭТФ (биржа савдо фондлари) бозорга кириб келиши шунчаки Этер (ЭТ) активларини ушлаб турувчи очиқ акциядорлик жамиятларининг жозибадорлигини пасайтириб юборди. Бу ҳақда Cointelegraph.com хабар беради.
Тадқиқотда иштирок этган ва стакинг даромадларини алоҳида кўрсатган олтита йирик Ethereum ғазна фирмалари учун ушбу йўналиш умумий тушумнинг ўртача 60 фоизини ташкил қилган. Эверстаке таҳлил қилган 15 та очиқ компания орасида 2025-йилги зарарлар миқдори қарийб 1,41 миллиард долларни ташкил этган бўлса, БитМине Иммерсион Течнологиес каби компаниялар рақамли активларнинг нархи тушиши сабабли катта миқдорда реализация қилинмаган зарарларни қайд этган.
Илгари рақамли активлар ғазна компаниялари (ДАТ) инвесторлар учун крипто бозорига киришнинг кам сонли тартибга солинган усулларидан бири эди. Бироқ, спот ЭТФлар пайдо бўлгач, инвесторлар пассив активларга тўғридан-тўғри кириш имконига эга бўлди. Бу эса компанияларни ўз қийматини оқлаш учун стакинг, ДеФи кредитлаш ва МЭВ каби фаол даромад стратегияларига ўтишга ундамоқда.
Эверстаке асосчиси Боҳдан Опрйшко таъкидлашича, пассив ЭТ тўплаш стратегияси эндиликда ўзини оқламаяпти. Унинг сўзларига кўра, стакинг ва бошқа фаол актив бошқаруви усуллари компания моделини сақлаб қолиш учун зарур, аммо етарли бўлмаслиги мумкин. Сабаби, ЭТ нархининг ўзгарувчанлиги, операцион харажатлар ва молиялаштириш ставкалари ҳали ҳам стакинг даромадидан юқори бўлиб қолмоқда.
Битгет биржаси маркетинг директори Игнасио Агуирре ҳам спот ЭТФлар ДАТ компаниялари учун вазиятни қийинлаштирганини тасдиқлади. Шунга қарамай, у инвесторлар фақат ЭТФ омилига эмас, балки компаниянинг баланс сифати, акцияларнинг қадрсизланиш хавфи ва умумий бозор кайфиятига ҳам эътибор қаратишини эслатиб ўтди.
