Банка Селла Италияда МиКА лицензиясини олган илк банк бўлди
Италиянинг Банка Селла банки Европа Иттифоқининг Маркетс ин Crypto-Ассетс (МиКА) регламенти доирасида Италия банкидан крипто-активлар билан ишлаш бўйича расмий рухсатномани қўлга киритди. Ушбу келишув натижасида Банка Селла мамлакатда криптовалюта хизматларини кўрсатиш ҳуқуқига эга бўлган биринчи молия муассасасига айланди. Бу ҳақда Cointelegraph.com хабар беради.
Банк маълумотларига кўра, 2026-йилда мижозларнинг маълум тоифалари учун рақамли активларни сақлаш, ўтказиш ва қабул қилишга йўналтирилган янги ечим ишга туширилади. Селла Груп таркибига кирувчи ушбу тижорат банки ҳозирда 300 га яқин филиал ва 2400 дан ортиқ ходимга эга бўлиб, Италия банк секторининг тартибга солинадиган крипто-бозорга киришини таъминлайди.
Банка Селла рақамли банкинг бўйича бошқарувчи директори Андреа Тессера токенизация жараёни тўловларни тезкор, ўзаро мос келувчи ва дастурлаштириладиган ҳолатга келтиришини таъкидлади. Банкнинг янги крипто-хизмати айнан шу технологик трансформациянинг бир қисми сифатида кўрилмоқда.
Шунингдек, Банка Селла евро валютасига боғланган стаблекоин чиқаришни режалаштираётган 37 та Европа банкидан иборат Қивалис консорциумининг асосчиларидан бири ҳисобланади. Банк аввалроқ ўзининг Hype рақамли бренди орқали Bitcoin ҳамён хизматларини жорий этган ва Италия банкининг Финтеч Милано Ҳуб лойиҳаларида фаол иштирок этиб келган.
