Ўзбекистонда доллар расмий курси яна ошади, бу сафар 14 сўмга

Душанба куни Ўзбекистонда долларнинг расмий курси яна 14 сўмга ошади ва 8339,6 сўмга тенг бўлади. Бу валюта биржасидаги ҳафталик савдолардан келиб чиқмоқда.

Биржадаги савдо ҳафтасининг биринчи куни 8337 сўмдаги курсда якунланди. Ҳафта давомида эса долларнинг биржа курси 3 сўмга ошди.

Ҳафта давомида амалга оширилган валюта операцияларининг умумий ҳажми 427,49 млн АҚШ долларини ташкил қилди. Бу ўтган ҳафтадаги кўрсаткичга нисбатан 48,32 млн АҚШ долларига кўп.