Астраханда Ислом Каримов хотирасига бағишланган кўргазма очилди

Россиянинг Халқ хўжалиги ва давлат хизматлари академиясининг Астрахандаги бўлимида Ўзбекистон Республикаси Биринчи Президенти Ислом Каримов хотирасига бағишланган кўргазма очилди. Бу ҳақда Астрахан вилояти ҳукумат сайтига таяниб \"Қалампир.уз\" хабар берди.

Кўргазмани “Ўзбекистон” ўзбек маданияти ҳудудия жамоат ташкилоти ташкил этди. Унда Ислом Каримовнинг сиёсат ва турмуш тарзидаги, оиласивий ҳамда Россияга ташрифи чоғида тушган суратлари, шунингдек, Ислом Каримов таржимаи ҳоли ва Республикадаги сиёсий вазият ҳақидаги китоблар ҳам тақдим этилди.

Аввалроқ Тошкентда Ислом Каримов сиймоси тасвирланган ҳайкални яратиш бўйича халқаро ижодий танловга қўйилган лойиҳалар кўргазмаси очилгани ҳақида хабар қилган эдик.