Тошкент ва Қашқадарё вилоятларига янги прокурорлар тайинланди

Ўзбекистон Республикаси Бош прокуратураси тизимларида бир қатор ўзгаришлар амалга оширилди.

Ўзбекистон Республикаси Бош прокурорининг буйруқларига асосан Баҳодир Бахтиёрович Пўлатов Тошкент вилояти прокурори, Ботир Эрмаматович Юсупов Қашқадарё вилояти прокурори лавозимига тайинланган.

Эслатиб ўтамиз, Тошкент вилоятининг собиқ прокурори Улуғбек Суннатов Ўзбекистон Республикаси Президенти Шавкат Мирзиёевнинг 5 январь куни Тошкент вилоятига амалга оширган ташрифи чоғида лавозимидан озод этилган эди.