Тошкентда улкан хазина топилди. Биргина китобнинг ўзи — 600 минг доллар (фото)

^{Фото: ЎзА}
Қадимий олтин тангалар, энг қадимий манбалардан дарак берувчи сирли хариталар, диний қўлёзма ва иконалар каби юзга яқин ноёб тарихий қиймати ҳали баҳоланмаган қимматбаҳо улкан хазина Тошкентдан топилди. Бу ҳақда ЎзА хабар берди.

Хорижликлар биргина тилла суви юритилган китобнинг ўзини 600 минг долларга сотишини сўрамоқда.

Тилло тангаларнинг нархи қанча?

^{Фото: ЎзА}
Бу улкан хазина ичида IX—XIX асрлар оралиғида Туркистон ҳудудида, шунингдек, XVIII ва ХХ аср бошларида Россия ва Европанинг бир нечта мамлакатларида зарб этилган олтин, кумуш ва мис тангалар коллекциялари бор. Шунингдек, хазинада Амир Олимхон даврига тегишли қўлёзмалар-у, Европа ва Осиё минтақалар тарихидан ҳикоя қилувчи энг ноёб манбалар сақланган.

^{Фото: ЎзА}