Нукусда Каттагар канали ўртасидаги муз бўлагида икки кун қолиб кетган ит қутқарилди

^{Фото: Видеодан кадр}
Нукус шаҳрининг «Жийдели-Байсун» МФЙ ҳудудидан оқиб ўтувчи Каттагар канали ўртасидаги муз бўлагида 2 кун қолиб кетган ит қутқарилди. Бу ҳақда ФВВ матбуот хизмати хабар берди.

Хабарда айтилишича, У.Й. итни қутақаришда амалий ёрдам сўраб, шаҳар фавқулодда вазиятлар бўлимига мурожаат қилган.

Мурожаат юзасидан Махсус вазифаларни бажарувчи Минтақавий қутқарув отряди сувда-қутқарув гуруҳи қутқарувчилари тезкорлик билан воқеа жойига етиб бориб, канал ўртасидаги итни олиб чиққан.