Шаҳзода Матчанова: “Ҳар бир аёлнинг эридан алоҳида ҳаёти бўлиши керак”

Актриса Шаҳзода Матчонова аёлнинг ҳаётдаги ўрни ҳақидаги фикрларини Инстаграмдаги саҳифасига ёзиб қолдирди.

“Аёл ўзига нисбатан ҳурмат уйғотиши лозим. Буни қимматбаҳо либослар, турмуш ўртоғининг обрў-эътибори, бриллиантлар билан эмас, ўзининг ақли, қизиқишлари, эридан алоҳида ўз ҳаёти борлиги билан ҳам кўрсатиши керак.

Аёл фақат ўз эркагига боғланиб қолиши тўғри эмас. Унинг ўз ҳаёти ва ўз ҳудуди бўлиши лозим. Майли у дизайнер, блогер, ўқитувчи бўлсин, нима билан банд бўлишининг аҳамияти йўқ, ҳар қандай ҳолатда замонавий аёл ўз фаолияти билан ҳурмат қозониши шарт.”