Асал Шодиеванинг юзига кислота сепмоқчи бўлишгани ошкор бўлди

Ўзбек кино ва санъат оламидаги таниқли актрисалардан бири Асал Шодиева билан боғлиқ даҳшатли воқеа ижтимоий тармоқларда кенг муҳокамаларга сабаб бўлмоқда.

Маълум бўлишича, фильм премераларидан бирида номаълум шахс актрисанинг юзига кислота ёки уксусга ўхшаш суюқлик сепишга уринган. Вазият шу қадар хавфли бўлганки, агар актриса ўша заҳоти кўзларини юмиб улгурмаганида ёки юзини қўли билан тўсиб қолмаганида, унинг кўзлари жиддий ва қайтариб бўлмас даражада жароҳатланиши мумкин эди.

Бу ҳақда интервюларнинг бирида Лили Хуррамов ҳам тўхталиб ўтган. Унинг айтишича, воқеа санъаткор оиласи учун жуда оғир руҳий зарба бўлган.