Дуа Липа концерт фильмини YouTube’да бепул намойиш қилади
Дуа Липа мухлислари учун янги мусиқий лойиҳа тайёрлади. Хонанда “Dua Lipa (Live from Mexico)” номли концерт филми ҳамда жонли альбомини тақдим этишини маълум қилди.
Мазкур лойиҳа “Radical Optimism” тури доирасида Мехико шаҳрида бўлиб ўтган якуний концертлар асосида тайёрланган. Концерт филми 21 май куни Тошкент вақти билан соат 22:00 да YouTube’да бепул намойиш этилади.
Жонли альбом эса 22 май куни барча мусиқий платформаларда тақдим қилинади. Фильм трейлерида Дуа Липа мухлисларига миннатдорлик билдириб, ушбу тур фаолиятидаги энг гўзал ва муҳим тажрибалардан бири бўлганини айтган.
Альбом ва фильмга “Training Season”, “Levitating”, “Physical”, “Houdini”, “Don’т Start Now”, “New Rules”, “One Kiss” ҳамда бошқа машҳур қўшиқларнинг жонли ижролари киритилган.
Аввалроқ Дуа Липа ўз суратидан рекламада рухсатсиз фойдалангани учун Samsung компаниясига қарши судга мурожаат қилгани ҳақида хабар берилганди.
