Япониялик Наоя Иноуэ Аҳмадалиев ёки Фултондан кимни танлаши ҳақида гапирди

Профессонал бокснинг 53,5 кг вазн тоифасида WBА, IBF, WBC камарлари эгаси, 3 вазнда жаҳон чемпиони, P4P етакчиси япониялик Наоя \"Монстр\" Иноуэ (23-0, 20 КО) 55,3 кгга вазн кўтарса Муроджон Аҳмадалиев ёки Стивен Фултондан қайси бирини танлаб жанг қилиши ҳақидаги саволга жавоб берди.

\"Агар Аҳмадалиев ва Фултон камарларни бирлаштириш учун ҳаракат қилса ва мен ўз вазнимда 4 та камарни муваффақиятли бирлаштирсам, мен ва улар ўртасидаги баҳс ғолиби ўзаро жанг ўтказиши мақсадга мувофиқ деб ҳисоблайман. Ўйлашимча, бу жаҳон бокси учун ҳам идеал сценарий бўлади\", - деди Иноуэ.

Эслатиб ўтамиз, биринчи ярим енгил вазн тоифасида (55,3 кг) Муроджон Аҳмадалиев (11-0, 8 КО) WBA ва IBF камарларини Ронни Риосдан муваффақиятли ҳимоя қилди. WBC ва WBО камарлари эса америкалик Стивен Фултонга (21-0, 8КО) тегишли бўлиб турибди.