Бокс бўйича ЖЧ—2023. Лазизбек Мулложонов илк жангида рақибини қийинчиликсиз таслим этди

Тошкент мезбонлигида ўтаётган бокс бўйича 2023 йилги Жаҳон чемпионатининг 5-кунги баҳслари бугун бўлиб ўтмоқда.

-92 кг вазн тоифасида Лазизбек Муллажонов колумбиялик Марло Хартадога қарши рингга кўтарилди. Биринчи раундда Лазизбек устунлик қилди. Иккинчи раундни ҳам Муллажонов ўз фойдасига ҳал қилди. Учинчи раунддан сўнг ўзбекистонлик боксчи 5:0 ҳисобида ғалаба қозонди ва кейинги босқичга йўл олди.

Шунингдек, 5 май санасидан ўрин олган баҳсларда Абдумалик Ҳалоков (-57 кг) ва Жасурбек Йўлдошев (-80 кг) ўз жангларини ўтказади.