Сенсация! Ҳасанбой Дўсматовнинг принципиал рақиби қозоғистонлик Сакен Бибоссинов мусобақани тарк этди

Тошкентдаги \"Ҳумо арена\"да бокс бўйича эркаклар ўртасидаги жаҳон чемпионати давом этмоқда.

Бугун -51 кг вазн тоифасида қозоғистонлик Сакен Бибоссинов ҳиндистонлик Дипак Дипак билан рингга кўтарилди. Қизиқарли кечган жангда кутилмаганда амалдаги жаҳон чемпиони Сакен Бибоссинов арифметик ҳисоб-китобларга кўра имкониятни бой бериб қўйди - 2:3.

Шу тариқа, Ҳасанбой Дўсматовни ўтган жаҳон чемпионатида мағлуб этган боксчи чемпионатни тарк этди.

Шунингдек, Рио-2016 Олимпиадасида Ҳасанбой Дўсматов билан финалда дуч келган колумбиялик Юбержен Мартинес ҳам Хитой Тайпейилик Ту По Вейга имкониятни бой бериб қўйди.