Гарри Магуире Англия Премер-лигаси чемпиони борасида ўз тахминини айтди
Манчестер Юнайтед ҳимоячиси Гарри Магуире Англия Премер-лигасидаги чемпионлик пойгаси ҳақида ўз фикрлари билан ўртоқлашди. Футболчи жорий мавсумда ҳам Арсенал, ҳам Манчестер Сити жамоаларига қарши майдонга тушганидан сўнг, лондонликлар жамоасини Пеп Гуардиола шогирдларидан кўра кучлироқ деб ҳисоблашини таъкидлади. Бу ҳақда Goal.com хабар беради.
Магуире Арсенал жамоасининг тактик жиҳатдан тартибли экани ва ҳимоядаги ишончли ўйини уларни рақибларидан ажратиб туришини қайд этди. Унинг сўзларига кўра, Микел Артета бошчилигидаги жамоа майдонда жуда яхши мувозанатга эга ва уларнинг ҳимоя чизиғини ёриб ўтиш жуда мушкул.
"Тҳе Оверлап" дастурида сўзга чиққан ҳимоячи шундай деди: "Мен ҳар иккала жамоага қарши ҳам ўйнаганман. Ростини айтсам, Арсеналга қарши баҳсларда улар кучлироқ таассурот қолдирган. Улар рақибга деярли имконият қолдирмайди ва жуда тартибли ўйин кўрсатади".
Магуире, шунингдек, Арсеналнинг жарима майдончаси ичидаги ҳимояси жуда мустаҳкам эканини алоҳида таъкидлади. Унинг фикрича, айнан шу жиҳатлар лондонликларга 22 йиллик танаффусдан сўнг Англия чемпионлигини қўлга киритишда ёрдам бериши мумкин.
