Осиё ўйинлари: Ҳасанбой Дўсматов илк жангида ғалаба қозонди

Олимпиада ҳамда жаҳон чемпиони бўлган юртдошимиз ҳозиргина Осиё ўйинларидаги илк жангини ўтказди.

У Жанубий Корея вакили Сех Еонг Жога қарши рингга кўтарилди. -51 кг вазн тоифасида юртимиз шарафини ҳимоя қилаётган юртдошимиз 1-раундда рақибига ҳеч қандай имконият қолдирмади. Иккинчи раундда жанубий корелик боксчининг кўзидан олган жароҳати туфайли, жангни давом эттира олмади.

Шу тариқа Дўсматов ўз юришини ғалаба билан бошлади. Энди у кейинги босқичда принципиал рақибга айланган қозоғистонлик Сакен Биббосинов билан тўқнаш келади.