УЛА Вулкан ракетасини парвозларга қайтаришга тайёрланмоқда
Унитед Лаунч Аллиансе (УЛА) компанияси Вулкан ракетасини навбатдаги парвозларга тайёрлаш жараёнида муҳим босқични якунлади. Northrop Grumman компанияси билан ҳамкорликда ГEМ 63ХЛ қаттиқ ёқилғили тезлатгичининг янгиланган конструкцияси ва янги турдаги ёқилғи синовдан ўтказилди. Бу қадам аввалги парвозлар вақтида юз берган носозликларни бартараф этиш ҳамда хавфсизликни таъминлаш учун зарур эди. Бу ҳақда Ixbt.com хабар беради.
Эслатиб ўтамиз, аввалги миссиялардан бирида Вулкан ракетасининг тезлатгичларидан бирида соплонинг ишдан чиқиши кузатилган эди. Бу ҳолат ракетанинг кутилмаганда айланишига сабаб бўлган бўлса-да, БE-4 двигателлари ва бошқарув тизими вазиятни барқарорлаштириб, фойдали юкни белгиланган орбитага муваффақиятли етказишга имкон берган эди. Компания мутахассислари ушбу носозлик сабабларини чуқур таҳлил қилишда давом этмоқда.
УЛА жорий йил охиригача Вулкан ракетасини тўлиқ фойдаланишга топширишни режалаштирмоқда. Бунинг учун Канаверал бурнидаги базада янги ВИФ-А вертикал йиғиш мажмуаси ишга туширилди. Ушбу инфратузилма бир вақтнинг ўзида бир нечта ракетани тайёрлаш имконини беради, бу эса Amazon компаниясининг Куипер лойиҳаси доирасидаги 38 та режалаштирилган парвозни амалга оширишда муҳим аҳамият касб этади.
