"Странжа" турнири: Финал. Иқболжон Холдоров иштирокидаги жанг якунланди

\"Странжа\" турнирининг финал баҳслари жуда қизиқарли тарзда кечмоқда. Навбат -71 кг вазн тоифасига ҳам етиб келди. Бу вазн тоифасида Иқболжон Ҳолдоров финалга қадар йўлни ажойиб тарзда босиб ўтди ва у ҳал қилувчи жангда жазоирлик Моҳамед Маҳелоуфга қарши баҳс юритди.

Албатта, ушбу қарама-қаршилик жуда кескин тарзда кечди. Жазоирлик боксчи жиддий қаршилик кўрсатди. Бироқ, юртдошимиз ўзининг аниқ ҳаракатлари билан жанг тақдирини ҳал қилди. Якунда, ҳакамлар 5:0 ҳисобида Иқболжон Холдоровнинг ғалабасини қайд этишди. Холдоров \"Странжа\" турнири олтин медалини қўлга киритди!