Париж—2024. Дзюдочи Муроджон Юлдошев қозоғистонлик рақибини мағлуб этди

^{Фото: Жудо}
Франциянинг Париж шаҳрида ёзги Олимпиада ўйинлари давом этади. Бугун, 29 июль куни дзюдо баҳсларининг эркаклар ўртасидаги мусобақанинг дастлабки босқич баҳслари бўлиб ўтмоқда.

Дзюдочи Муроджон Йўлдошев ўзининг дастлабки баҳсини ўтказди. У Қозоғистон вакили Данияр Шамшаевга қарши баҳс олиб борди ва ғалаба қозонди.

Энди у Жек Ёнезука (АҚШ) ва Адил Османов (Молдова) баҳсининг ғолиби билан беллашади.

Муроджон Йўлдошев 1995 йил 9 август куни Ўзбекистонда туғилган. 2023 йил Қатарда бўлиб ўтган Жаҳон чемпионатида бронза медалини қўлга киритган.