95 ёшли спортчи 200 метр масофани бир дақиқадан қисқа вақт ичида босиб ўтди

Чарльз Югстер 95 ёшдан юқори инсонлар ўртасидаги ёпиқ ҳавода 200 метрга югуриш борасида жаҳон рекордини ўрнатди. Югстер бу масофани 55,48 сонияда босиб ўтди. Бу аввалги рекордчи Орвилл Роджерснинг натижасидан 2 сония яхшироқ.

Бундан ташқари Югстер 90 ёшдан юқори инсонлар ўртасидаги 60 метрга югуриш бўйича Буюк Британия рекордини ҳам янгилади. У бу масофани 15,32 сонияда босиб ўтди.

Маълумот учун, июль ойида 96 ёшни қаршилайдиган Югстер очиқ ҳавода 100 ва 200 метрларга югуришда ҳам рекордчи ҳисобланади.

Манба: www.kun.uz