Бокс бўйича Осиё чемпионати. Адҳамжон Муҳиддинов хитойлик рақибини мағлубиятга учратди

Шу кунларда Таиланднинг Чианг Май шаҳрида бокс бўйича катталар ўртасида Осиё чемпионати бўлиб ўтмоқда.

Мазкур чемпионатнинг, 3-кун доирасида бугун 63,5 кг вазнда рингга кўтарилган ҳамюртимиз Адҳамжон Муҳиддинов хитойлик Женмин Даига қарши жанг қилди. Баҳс давомида катта устунлик кўрсатган юртдошимиз якунда ҳакамларнинг якдил қарорига кўра ғалабани қўлга киритди.