Куртуа Трентга нисбатан танқидларга муносабат билдирди

Мадриднинг \"Реал\" жамоаси дарвозабони Тибо Куртуа \"Ливерпул\" мухлисларининг ҳимоячи Трент Александр-Арнолдга нисбатан салбий муносабатларига изоҳ берди. УЕФА Чемпионлар Лигаси умумий босқичи ўйинларида Трентга нисбатан танқидлар кўпайган эди.

\"Трент \"Ливерпул\"дан \"Манчестер Юнайтед\" каби ашаддий рақибга ўтиб кетмаган. У ҳозир \"Реал\" сафида тўп сурмоқда.

Мен мухлислардан унга ҳурмат билан муносабатда бўлишларини ва клуб учун қилган барча ишлари учун миннатдор бўлишларини сўрар эдим\", — деди бельгиялик дарвозабон beIN Sportsга берган интервьюсида. Трент Александр-Арнолд \"Ливерпул\" академияси тарбияланувчиси ҳисобланади.

У 2025-йил ёзида \"Реал\" сафига ўтган. 27 ёшли ҳимоячи \"қироллик\" клуби билан олти йиллик шартнома имзолаган.