Темур Кападзенинг терма жамоани тарк этиш сабаби маълум...

Олдинроқ Ўзбекистон миллий терма жамоасининг собиқ бош мураббийи Темур Кападзе терма жамоани расман тарк этгани ҳақида хабар берган эдик. Октябр ойида янги бош мураббий тайинланганидан кейин Кападзе терма жамоада қолиб, янги мутахассисга мослашув жараёнида ёрдам берган эди.

Манбалaрга кўра, Кападзе бошидан буён терма жамоани тарк этишни истаган. У бош мураббий ёрдамчиси бўлишга рози эмас ва ўз мураббийлик фаолиятини мустақил ривожлантиришни хоҳламоқда.

Шунингдек, Темур Кападзенинг бир неча иш таклифлари борлиги маълум. Кутишларича, у яқин вақт ичида ушбу таклифлардан бирини қабул қилади.