Наполи Тиаго Моттани мураббийликка таклиф қилиши мумкин

Туриннинг \"Ювентус\" собиқ бош мураббийи Тиаго Мотта Италия чемпионати юқори даражадаги клубида фаолиятини давом эттириши мумкин. Бу ҳақда инсайдер Паскуале Гуарро хабар берди.

Маълумотларга кўра, амалдаги чемпион \"Наполи\" Моттанинг хизматларига қизиқиш билдирмоқда ва дастлабки музокаралар ўтказган. Ҳозирда \"Наполи\" жамоасини италиялик Антони Конте бошқариб келмоқда.

А Сериянинг 11 туридан сўнг, \"Наполи\" 22 очко тўплаб, турнир жадвалида учинчи ўринда бормоқда. Конте шогирдлари биринчи ўриндаги \"Интер\"дан икки очкога ортда қолмоқда.