«Рома» чемпион бўлмайдими? Ди Канио фақат 3 та клубни танлади

Италиянинг собиқ футболчиси Паоло Ди Канио А Серияда жорий мавсум қандай якунланишини олдиндан билишини таъкидлади. Унинг фикрича, совриндорлар учлигига амалдаги чемпион ва Миланнинг икки клуби кирди.

Қолган жамоаларни у бу рўйхатда кўрмайди. \"Биринчи учликда \"Наполи\", \"Интер\" ва \"Милан\" бўлади.

Аммо уларнинг қайси ўринни эгаллашини ҳозирча айта олмайман\", - деди Ди Канио pianetamilan.it нашрига берган интервьюсида. Диққатга сазовор жиҳати шундаки, сўнгги беш йил ичида айнан шу уч жамоа чемпионликни қўлга киритгани маълум: икки марта \"Наполи\" ва \"Интер\", 2022 йилда эса \"Милан\" чемпион бўлган.

Ҳозирда эса А Серия турнир жадвалида Римнинг \"Рома\" клуби етакчилик қилмоқда.