Роналд Араухо «Барселона»га қайтиш учун якка тартибда шуғулланмоқда

«Барселона»нинг марказий ҳимоячиси Роналд Араухо сафга қайтиш учун тайёргарликни давом эттирмоқда. Уругвайлик футболчи Чемпионлар лигасида «Челси»га қарши ўйиндан (0:3) бери майдонга тушмаяпти.

Ўша баҳсда у биринчи бўлимдаёқ қизил карточка олиб майдонни тарк этгандӣ. Mundo Deportivo хабарига кўра, Араухо ҳозирда ватанида жисмоний тайёргарлик бўйича мураббий назорати остида якка тартибда шуғулланмоқда.

Қайд этилишича, мутахассис марказий ҳимоячига берилаётган юклама масалаларида «Барселона» вакиллари билан мунтазам маслаҳатлашиб туради. Эслатиб ўтамиз, Араухо Лондондаги ўйинда олинган қизил карточкадан кейин кучайган психологик муаммолар сабабли каталонияликлар лагеринни вақтинча тарк этган.