Левандовски 2026 йил учун мақсадларини маълум қилди

«Барселона» ҳужумчиси Роберт Левандовски келаётган йилда нималарга эришмоқчи эканини айтди. Катта эҳтимол билан, 37 ёшли футболчи учун жорий мавсум «Барселона»даги сўнггиси бўлади: унинг шартномаси июнь ойи охирида якунланади.

«Мен ҳаммасини ютмоқчиман — Ла Лига ва Чемпионлар лигасини. Шунингдек, Польша терма жамоаси билан бирга жаҳон чемпионатига йўлланма олишга умид қиламан», — дея Левандовскининг сўзларини Managing Barca келтирди.

Ханс-Дитер Флик жамоаси Испания чемпионатида 18 турдан сўнг турнир жадвалида пешқадам бўлиб турибди. Польша терма жамоаси ЖЧ-2026 йўлланмаси учун плей-оффда курашади: ярим финалда у Албания билан ўйнайди.