«Манчестер Юнайтед» Иброҳимовичнинг хет-триги эвазига «Сент-Этьен»ни мағлубиятга учратди

Европа Лигаси мусобақасининг 1/16 финалидан ўрин олган “Манчестер Юнайтед” ҳамда “Сент-Этьен” клублари ўртасидаги дастлабки учрашув ўз ниҳоясига етди.

Унда 3:0 ҳисоби қайд этилиб, майдон эгаларининг ғалабаси билан якунланди, деб ёзади Уфф.уз сайти.

Майдон эгаларининг устунлиги остида ўтган баҳсда бу кеча тиниб-тинчимас Златан порлади.

Дастлаб Иброҳимович ўзининг иккита голини ўйиндан киритган бўлса, яна битта голни пенальтидан киритди.

Шу тариқа, “Манчестер Юнайтед” Иброҳимовичнинг хет-триги эвазига “Сент-Этьен”ни мағлубиятга учратди.