Слуцкийнинг жамоаси Осиё Чемпионлар Лигасида яна ютқазди

Леонид Слуцкий бошқарувидаги «Шанхай Шенхуа» Осиё Чемпионлар Лигасининг умумий босқичи 6-турида сафaрда «Санфречче Хиросима»га 0:1 ҳисобида имкониятни бой берди ва яна очкосиз қолди. Бу ҳақда euro-football.ru хабар беради.

Учрашувдаги ягона гол 78-дақиқада киритилди: мезбонлар ҳимоячиси Хаято Араки ҳал қилувчи зарбани йўллади. Бу натижа Хитой клубининг турнирдаги кетма-кет учинчи мағлубияти бўлди.

Олти турдан сўнг «Шанхай Шенхуа» 4 очко билан жадвалда 11-ўринни эгаллаб турибди. «Санфречче Хиросима» эса 11 очко жамғарган ҳолда учинчи поғонада бормоқда.