Жикия агенти ҳимоячининг «Антальяспор»дан кетиши ҳақидаги гапларга муносабат билдирди

«Антальяспор» ҳимоячиси Георгий Жикия билан ишловчи агент Владимир Кузьмичёв футболчининг келажаги бўйича тарқалган миш-мишларга изоҳ берди. Бу ҳақда euro-football.ru хабар беради.

Агентнинг айтишича, Жикиянинг аҳволи яхши ва клуб мураббийлар штаби унга ишонмоқда. Сўнгги учрашувларда майдонга тушмагани микрояроҳат билан боғлиқ бўлган, ҳозир эса тўлиқ тикланган. Кузьмичёвнинг фикрича, у кейинги ўйинда яна таркибда бўлиши мумкин.

Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар чиққан эди.

Жикия Туркия чемпионатининг жорий мавсумида 12 та учрашувда қатнашиб, 2 та гол урди. Унинг «Антальяспор» билан шартномаси 2027 йилнинг ўрталаригача амал қилади.