Жикия агенти ҳимоячининг «Антальяспор»ни тарк этиши ҳақида гапирди

«Антальяспор» ҳимоячиси Георгий Жикиянинг агенти Владимир Кузмичёв футболчининг келажаги борасида изоҳ берди. Бу ҳақда euro-football.ru хабар беради.

Агентнинг айтишича, Жикиянинг аҳволи яхши ва клуб мураббийлар штаби унга ишонмоқда. Сўнгги учрашувларда у майдонга тушмагани эса микрожароҳат билан боғлиқ бўлган. Ҳозир футболчи тикланган ва кейинги ўйинда таркибда бўлиши кутилмоқда.

Аввалроқ матбуотда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.

Жикия жорий мавсум Туркия чемпионатида 12 та ўйинда қатнашиб, 2 та гол муаллифи бўлди. Унинг «Антальяспор» билан амалдаги шартномаси 2027 йилнинг ўрталаригача мўлжалланган.