Артета ғалабадан сўнг ҳозир завқланиш вақти деди

Лондоннинг «Арсенал» жамоаси бош мураббийи Микел Артета «Сандерленд»га қарши ўйиндан кейин фикрлари билан ўртоқлашди. АПЛнинг 25-турида «канонирлар» 3:0 ҳисобида ишончли ғалаба қозонди. Бу ҳақда euro-football.ru хабар беради.

Артета рақибнинг ўйин услубини алоҳида таъкидлади: «Жуда яхши жамоа, рақибларга доим муаммо туғдиради. Жисмонан кучли, тўғридан-тўғри ўйнайди, яхши ташкиллаштирилган — шунинг учун ўйин чўзилиб кетди», — дея унинг сўзларини Sky Sports келтирди.

Мураббий «Арсенал» деярли ҳеч нарса бермаганини айтди: «Деярли ҳеч нарсани бой бермадик. Фақат бир вазият бўлди — дарвозабонимиз тўпни илиб олишга уринган пайтда менимча қоида бузилди. Қолганида эса жиддий хавф йўқ».

Шу билан бирга, Артета майдонда тўлиқ ҳукмронлик қилиш осон бўлмаганини тан олди: «Учрашувни барча жиҳатдан бошқариб, ростдан ҳам тўлиқ доминант ўйнаш қийин эди. Чунки рақиб ўйин ритмини бузишни яхши билади, улар охирги дақиқагача курашди. Бугун эса завқланиш вақти — мен жуда хурсандман».

25-турдан кейин «Арсенал» 56 очко билан АПЛ жадвалида пешқадам. «Манчестер Сити» ва «Астон Вилла»да 47 очкодан бор.