«Ренн» бош мураббийи Ҳабиб Бей вақтинча четлатилди

Франциянинг «Ренн» клуби раҳбарияти жамоа бош мураббийи Ҳабиб Бей ҳамда унинг ёрдамчиларини вақтинча ишидан четлатганини маълум қилди. Бу ҳақдаги хабар клубнинг расмий сайтида эълон қилинди. Бу ҳақда euro-football.ru хабар беради.

Бейнинг келажаги бўйича якуний қарор қабул қилинмагунча, машғулотларга Себастян Тамбуре, Пер-Александр Лельевр ва Максим Ле Маршан масъул бўлади. Бундай қарорга сўнгги ўйинлардаги қониқарсиз натижалар сабаб бўлди: жамоа кетма-кет тўртта баҳсда мағлуб бўлиб, умумий ҳисобда 1:12 натижа қайд этди.

Ҳозирда «Ренн» чемпионат жадвалида 21 турдан кейин 31 очко билан олтинчи ўринда бормоқда. Ҳабиб Бей клубда 2025 йил январидан бери ишлаётган эди.