Наумов Моуринью учун Саудия чемпионатини муносиб деб билдИ
«Локомотив»нинг собиқ президенти Николай Наумов «Бенфика» бош мураббийи Жозе Моуринью фаолиятини давом эттириши мумкин бўлган йўналиш ҳақида фикр билдирди. У бу ҳақдаги мулоҳазаларини «Евро-Футбол.Ru» нашрига берган интервьюсида айтиб ўтди. Бу ҳақда euro-football.ru хабар беради.
Наумовнинг таъкидлашича, Моуриньюнинг энг ёрқин даври ортда қолган: унинг фикрича, португалиялик мутахассис футбол қарашларида янгиланишга улгурмай, аввалгидек сирли ва кутилмаган услубдан кўра одатийроқ кўринишга ўтиб қолган. Шу сабабли у Моуриньюга танаффус ҳам фойда бериши мумкинлигини қўшимча қилди.
Экспертнингча, Моуринью учун энг мос вариант Саудия Арабистони бўлиши мумкин: у ерда маошлар юқори, шов-шувлар доимий, шунингдек, катта номга эга, ёши катта футболчилар билан ишлаш имконияти кенг. Наумов айнан шу муҳит португалиялик мураббийга мос тушишини айтди.
Моуринью бошқарувидаги «Бенфика» Европа Чемпионлар лигаси 1/16 финалида Мадриднинг «Реал» клубига қарши майдонга тушади. Дастлабки учрашув 17-февраль куни Португалияда бўлиб ўтади.
